Pužliva, žachliva...
...lasnaja imhla.
Samotna, harotna...
...skaciłasia ślaza.

Zdranćvieły, źmiarćvieły...
...les začaravaŭ.
Błukała, hukała...
...iści zahadaŭ.

Dzie ŭkrucca, zabycca...
...u čornaj nary?
Što jeści prynieści...
...u miortvym bary?

Dušyć dy hłušyć pavietra ciažar
Bušuie, viruje tryźnieńnia pažar

Nia moža – kryj boža! – viarnucca damoŭ
Ratunak, prytułak – miadźviežy biarłoh.

Złaja, ciažkaja...
...zima prajšła.
Chudaja, słabaja...
... ź miadźviedziem spała.

Uviesnu niaviestu...
...pravodziŭ damoŭ,
A ŭvosień prynosić...
...jana bajstrukoŭ.

Kroŭ rodna abodva...
...ale znoŭ ździekuje los:
Adzin – čałaviek...
...jaho brat – miadźviedzianio!

Vyrasli braty – siabry-vołaty,
Dužyja syny – honar maci;
Dy nia zdoleli abminuć biady,
Što prynosić Ptach — Čałaviečy Strach!

«Hetamu nia być, hetamu nia być!
Źvier siarod ludziej nie pavinny žyć!
Musić Syn Miadźviedzia ŭ bary chadzić!» –
Pra ludziej «dbaje» śviatar-dabradziej.

Minuli hady z taje pary...
Palavać idzie voj niemałady.
Čuje, źvier ravie blizka ŭ huščary,
Vočy zabliščeli – bojki zachacieli!

Šmat hadzinaŭ zapar ź miadźviedziem vajar
Biŭsia, jak zaŭždy, «pan albo prapaŭ»,
Na kałmataj šyi, jak miadźviedź upaŭ,
Raptam bačyć jon... maci medaljon!