Małanak dzidy, rykańnie hromu –
Kaval Suśvietu brazhaje ŭ kuźni...
...dy byccam hneŭna niejak pracuje!

Ciažkija kropli, niabiosaŭ ślozy –
ci zory płačuć, ci doždž havoryć...
...imža raptoŭna splałasia ŭ słovy!

Złujecca Baćka, Kaval Mahutny,
Zachoŭca Viedaŭ, Spradviečny Tvorca –
Niaŭžo naščadki stracili pamiać?!

Kryŭduje Maci, Suzorjaŭ Tkalla,
Spatkańniaŭ Śviedka... kachańnie doryć –
Napeŭna dzietki zusim zabyli?!

Čužyja abrady, nia tyja achviary
na kapiščach stody ŭ čužynskim ubrańni
niarodnyja słovy ŭ movie baćkoŭskaj...

Ziamla bolš nia rodzić, Huščar nie puskaje;
žurba... bol... dy rospač... strašnyja chvaroby...
...Krumkač svajo Voka Vajny znoŭ raspluščyŭ...

ale ŭsio daremna...
...dryhotkaje połymia pamiaci prodkaŭ...
...zhasła navieki...

...dzieci-varjaty...
...nia majuć dumak...
...nia bačać znakaŭ...
...nie adčuvajuć...
...podych Niabiosaŭ...
...Ziamielki dotyk...

...NIAVARTYJA ŽALU!!!

Čorny Miesiac, pračynajsia!
Ziamli Nietry, razharniciesia!
Raptam, Chvali Ahniavyja,
Spynicie hańbu!!!